Osmani kujton komandant Drinin: Drejtësia nuk është vënë ende në vend

20:07 | 8 Maj 2021
Arbresh.info

Presidentja e Republikës së Kosovës, Vjosa Osamani, ka kujtuar komandant Drinin në 21-vjetorin e rënies.

Osmani në postimin e saj, në rrjetin social “Facebook”, është shprehur se drejtësia nuk është vënë ende në vend, shkruan arbresh.info.

Postimi i plotë:

“Komandant Drini (Ekrem Rexha), ishte luftëtari i devotshëm i UÇK-së dhe çlirimtari me integritet, i cili lirinë e kuptoi si themelin e shtetit. Ai sa bëri në luftë, bëri në paqe, duke u shndërruar në modelin e njeriut që luftën për atdhe e bëri për të mirën e përgjithshme. Në 21-vjetorin e vrasjes, kur drejtësia ende nuk është vënë në vend, ne e kujtojmë me përulje njeriun që la vepra, të cilat do jenë udhërrëfyese dhe shembëlltyrë se si luftohet dhe si ndërtohet paqja e shteti.
Qoftë i përjetshëm kujtimi për komandant Drinin!”/arbresh.info/

Komandant Drini (Ekrem Rexha), ishte luftëtari i devotshëm i UÇK-së dhe çlirimtari me integritet, i cili lirinë e kuptoi…

Posted by Vjosa Osmani on Saturday, May 8, 2021